بسم الله الرحمن الرحيم
الحمد لله رب العالمين،والصلاة والسلام على نبينا محمد وعلى آله وأصحابه وأتباعه الى يوم الدين ،أمّا بعْد.. سوپاسی خوای تەعالا دەكەین، بەوەی ئەمڕۆ مینبەرەكانی خزمەت كردن زۆرن، لە ناویشیاندا گۆڤاری خۆشەویستی (رێگای ڕاست) كە سوپاس بۆ خوای گەورە ماوەیەكی باشە بەردەوامە، بۆ بە ئاگا هێنانەوەی كۆمەڵانی خەڵك لە دیاردەكانی كوفرو شیرك‌و بیدەع‌و خوڕافیات، وە بەرچاو ڕۆشنكردنیشیان بە سوننەت‌و تەوحیدو بەها باڵاكان، بەو هیوایەی تەمەن درێژ بێت.... بەڕێزان لە پەندی عەرەبیدا وتراوە: خۆشەویستیت بۆ شتێك، كوێرو كەڕت دەكا. مانای وایە: بەڕاستی مرۆڤ كە شتێكی خۆشویست‌و زێدەڕەویشی كرد لە خۆشویستنی، بێ‌ ئاگا دەبێت لە عەیب‌و زەرەرەكانی، وە هیچ عەیبێكی پێوە نابینێت، وە پێی وادەبێت هیچ كێشەی نیە، خۆئەگەریش هەموو عەیبو گرفتێكی تێدا بێت، هەروەكو وتراوە:
أحبُّ لحبِّها السّودانَ حتّى
أحبّ لحبِّها سودَ الكلابِ.
لەبەر ئەوەی مەعشوقەكەی ڕەش پێستە، بۆیە دەڵێت: لەبەر خۆشەویستی ئەو ڕەشیشم خۆش دەوێت، تەنانەت لەبەر خۆشەویستی ئەو سەگە ڕەشەكانیشم خۆش دەوێت!! ـ سبحان الله ـ وەقسەی ئەمڕۆش لەناو گەنجانی هەردوو ڕەگەزی نێرو مێدا، بریتی یە: لە ئینتەرنێت‌و گیرۆدەبون پێی¬و بە درێژایی كات، ودانیشتنە لەگەڵیدا، بێ‌ توشبوون بە مەلەل‌و داهێزان، وە سەردان كردنی ماڵپەڕەكان‌و ڕۆچونە لە ناویدا!!ئێمە قسە لەسەر چینی هۆشەنگ‌و زرنگ ناكەین، ئەوەی كە ئینتەرنێت لە بەرژەوندیە ڕێپێدراوە كەسیەكانی خۆی بەكار دەبات، یاخود لە بەرژەوەندی گەلەكەی، یا لە بوارە جۆراو جۆرەكانی خێرو چاكەدا، وەكو: فەرمان بەچاكە‌و، قەدەغەی خەراپە‌و ، بانگەوازی بۆ ئیسلام‌و، بەرپەرچی دوژمنانی‌و! بڵاوكردنەوەی زانستی بەسود‌و، ڕەوشتی جوان، ئا ئەوانە سودیان بینیوە لەو تۆڕە جاڵجاڵۆكەییە، وە بەكاریان بردوە لەوەی پێویستە، لە بەرژەوندی‌و كارە سود بەخشەكان.. بەڵكو ئێمە قسە دەربارەی ملوێنەها گەنج‌و تازە لاو دەكەین، ئەوانەی گیرۆدەبوون‌و، توشی فیتنەو بەڵا بوون بە هۆی ئینتەرنێتەوە، هەتا لایداون لە كارە بەرزو باڵاكان، ڕووەو خراپەكاری جۆراو جۆر پەلكێشی كردوون! ئەوانە چ قازانجێك لە ئینتەرنێت دەكەن؟ بۆ بانگەوازی بۆ لای خوا بەكاری دەهێنن؟ یا سودی لێ‌ دەبینن بۆ ناسینی نەخشەی دوژمنانی ئیسلام، وە پلانە بێ‌ ماناكانیان بۆ لێدانی ئیسلام‌و موسڵمانان؟ ئەرێ‌ سودی لێدەبینن بۆ ناسینی زانستە شەرعیە بەسودەكان، لە ڕێگەی ماڵپەڕە ئیسلامیەكان؟ یا بۆناسینی زانستە كەونی‌و تەكنەلۆجیەكان‌و، دەست گرتن بە هۆكارەكانی پێشڤەچوون‌و بەرزبونەوە؟ یاخود قازانجی لێ‌ ناكەن لە توێژینەوە زانكۆییەكان، ئەو توێژینەوانەی كە پشتیان بەستووە بە ئامارو توێژینەوە تایبەتیەكان؟ئەرێ‌ قازانجی لێ‌¬ناكەن، بۆ گێڕانەوەی بەرزیەكانی گەل‌و، بڵاوەكردنەوەی ڕابردووە كۆنەكەی، وە بەرپەرچدانەوەی گومانەكانیش، كە دەربارەی ئیسلام دەوروژێندرێت؟بەڕاستی بوارەكانی سود وەرگرتن لە ئینتەرنێت زۆرە؛بەڵام زۆربەی گەنجان گرنگی بەوە نادەن، وەكو بڵێی: پەیوەندی بەوانەوە نیە!بەڕاستی ئەوان ئینتەرنێت بۆ بینینی وێنەی رووت‌و، دیمەنە ناشیرینەكان‌و، گەڕان بە دوای پێگە لە ناوبەرە ڕەوشتیەكان بەكار دەهێنن! ئەوەی كە گەنج دەكاتە دیل‌و ئەسیری هەستە ئاژەڵیەكانی، ئەویش لاوازە لەبەردەم ئارەزوە ئاژەڵیەكانی، بۆیە بێ‌ بەشی دەكات لە هەموو كارێكی بەسودی بەرهەمدار‌و! گەمارۆی دەدا لە بازنەیەكی تەسكدا، كە برییتی یە: لە بازنەی ئارەزووە جنسیەكان، تا بەتەواوی لەناوی دەبەن!! هەندێ‌ جار ئەوان ئینتەرنێت بەكار دەهێنن، لە دروست كردنی پەیوەندی گوماناوی، لە ڕێگەی ماڵپەڕەكانی قسەكردن‌و چاتەوە، یا ئەوەی ناو دەبرێت: بە ژورەكانی قسەكردن.. ئا بەو شێوەیە، ئەو كاتە بەنرخانەی كە دەكرێت لە دەستخستنی بەرزیدا سەرف بكرێت بە فیڕۆ دەدرێت. لە نێوانی دیمەنی ڕووت، یا بەرپا كردنی پەیوەندی قێزەون لە نێوان گەنجی نێرو مێی ڕێ‌ لێ‌ ونبوو!! بێگومان هەروەكو (د.سليمان الخضري) دەڵێت: وێنە ڕووتەكان ترسناكی دەرونی‌و تەندروستیان هەیە بۆ سەر هەرزەكاران‌و گەنجان، لەبەر ئەوەی ئەو وێنانە كۆپی دەبێت لە هۆش‌و یادەوەری هەرزەكار، تا پێ یەوە هۆگر دەبێت، وە بەلایەوە دەبێتە شتێكی ئاسایی. وە ترسناكیەكەشی كاتێ‌ دەردەكەوێت؛ كە ئەو هەرزەكارە بیری ئەو وێنەو دیمەنانە دەكاتەوە، كە سەرنجی داونێ‌ لە ڕێی ئینتەرنێتەوە‌و، دەیەوێ‌ حەزە جنسیەكەی هەر چۆنێك بێت تێر بكات! بۆیە هیچ ڕێگەیەك نابینێت لە بەردەمیدا، جگە لە لادان، بۆیە لە ڕێی مومارەسەی هەڵەوە، هەرەس دێنێ‌‌و، توشی نوشستی دێت، یاخود لە ڕێی مومارەسەی خووی نهێنی (العادةالسریة)، كە ئەوەش بوو بە پیشەی هەمیشەیی، دەبێتە هۆی لەناو چوونی، لە ڕووی تەندروستی‌و دەرونیەوە! وە لەوانەشە لەو ڕێگە خراپانەشەوە توشی نەخۆشی جنسی ترسناك ببێتەوە!
بەڕاستی ئامارو شیكارەكان، جەخت لەسەر ئەو خاڵانەی خوارەوە دەكەن:
1ـ بێگومان 80%لەوانەی گیرۆدەی شوێنەكانی ئینتەرنێت بوون، هێشتا ژنیان نەهێناوە. 2ـ وە بەڕاستی 70%لەوانە بەس بۆ دڵنەوایی بێ‌ شەرعی‌و، پەیوەندی بە پێگە خەراپەكانەوە دێن!
3ـ وە 55%ی ئەو خەڵكانە، كەس‌وكاریان هیچ شتێك دەربارەیان نازانن!
4ـ بەڕاستی زۆرێك لەوانە ئاڵوگۆڕی ناونیشانی پێگە خەراپەكان دەكەن، تەنانەت لەناو قوتابخانەكانیشیان، ئەوەش گرفتێكی گەورەیە بۆ سەر پڕۆسەی خوێندن!
5ـ بەڕاستی زۆربەی ئەوانەی مودمن بوون و ئینتەرنێت بۆتە هەمیشەكاریان گەنجانن. لەڕاستیدا ئەوەش كاری كردۆتە سەر ئاستی خوێندنیان، بۆیە پشتاوپشت گەڕاونەتەوە دواوە، دوای ئەوەی هەندێكیان لە پێشكەوتوو زیرەكەكان بوون لە خوێندندا. 6ـ بێگومانیش مودمن بوون بە ئینتەرنێتەوە، سەردەكێشێت بۆ دروست بوونی ململانێی دەرونی ناوەكی، لە نێوان ئەو كۆمەڵە ئاكارەی كە ئەو كەسە مودمنە لەسەری پەروەردە بووە، لەگەڵ ئەو ئاكارە تازانەی وەریگرتوون، لە ڕێی ئینتەرنێتەوە.
7ـ هەروەكو چۆن مودمن بوون بە ئینتەرنێتەوە، كار دەكات بۆ لێك هەڵوەشاندنەوەی پەیوەندیە خێزانیەكان، و پاڵنان بە زۆرێك لە تاكەكان، بۆ بێ‌ پێویست بوون لە ڕێگەی سروشتی بۆ پێكەوەنانی خێزان، لە میانەی ژن هێنان و شوكردن‌و وەچە خستنەوە، وە بەس بوونی ئەوەی دەیبنێت لە دیمەنەكان‌و، یا ئەوەش كە لە توانادایە، كە مومارەسە بكرێت لە حەڕامكراوەكان، بە گومانی خۆی بۆی دەبێتە بەدیل، لەو زەواجەی كە ڕێژەیەكی زۆری تێچوونی لێ‌ داوا دەكات!
8ـ بەڕاستی هەرزانی نرخی جیهازەكانی كۆمپیوتەر‌و، بەشداری لە تۆڕی ئینتەرنێت، بۆتە مایەی پەلكێش كردنی زۆرێك لە گەنجان‌و، چونە ناو جیهانی ئینتەرنێتەوە.
9ـ(400) هەزار پێگەو ماڵپەڕ هەیە بۆ پەخشی ڕووتی‌و بەڕەڵایی بابەتی جنسی، لە میانەی ئەو تۆڕانەوە.
10ـ وە بەڕاستی بەهەمان شێوە، لاوازی چاودێری لەسەر ئینتەرنێت، بۆتە مایەی ئەوەی كە زۆرێك لە ڕۆڵەی خێزانە پارێزگاری لێكراوەكان، بكەونە ژێر چنگیەوە.
دەی برای خۆشەویست: ئەرێ‌ شیاوە بۆ موسڵمان لە هەموو شتەكان، خراپەكان وەرگرێت؟ یا شیاو و گونجاوە بۆ گەنجی زیرەك كە پێویستە لەسەری چاكەو خێری بۆ خۆی‌و گەل‌و دینەكەی بووێت، كە بەشی لە تەكنەلۆجیا، بەس ئەو دیمەن‌و وێنە ناشیرنانە بێت، كە لایەنی ئارەزووی دەجوڵێنن؟ لەگەڵ ئەوەی زۆرێك لە گەنجانی تری نا موسڵمان، ئەو تۆڕانە بۆ توێژینەوی زانستی‌و زانستی كەونی‌و دۆزینەوە تازەكان بۆ گەیشتن بە سەنتەری ڕابەرایەتی‌و پێشكەوتن لەو هەسارەیەدا بەكار دەهێنن!
ئەی گەنج چیتە؟ لە بیرت چۆتەوە ئەو ئامانجەی خوا تۆی بۆ دروست كردوە لەو ژیانەدا؟ كەوتویتە دوای خەیاڵ‌و داڵغەو ئەندێشەوە، كە هیچ حەقیقەتێكی نیە، وە سودیشی لە دواوە نی یە!ئایا گونجاوە بۆ گەنجی موسڵمان، بەخششەكانی خوا بەكاربێنێت، لە سەرپێچی‌و دژایەتی خوای گەورە؟ تۆ لە كوێیت لە قسەی خوای بەرز((وَلاَ تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولئِكَ كَانَ عَنْهُ مَسْؤُولاً)) [الإسرا‌ء: ٣٦].
لە ڕاڤەی ئەم ئایەتەدا ( العوفی )، دەفەرمووێت: كەس تۆمەت بار مەكە بەوەی كە تۆ زانستت دەربارەی نیە.
وە (محمد بن الحنفیە) ش دەفەرمووێت: واتە: شایەتی درۆ. وە ( قتادە ) ش دەفەرمووێت: مەڵێ‌ بینیم ونەشت بینی بێت؛ وە بشڵێی بیستومەو نەشت بیستبێت، یا بڵێیت: دەزانم‌و نەش زانی، لەبەر ئەوەی خوای تەعالا لەهەموو ئەوانە پرسیارت لێ‌ دەكاتەوە. بە پوختی ئەوەی فەرموویان: خوا قەدەغەی كردوە قسەی بێ‌ زانست، بەڵكو بینا كراو لەسەر گومان ‌و خەیاڵ... لەبەر ئەوەی هەریەك لە صیفەتەكانی: بیستن‌و بینین‌و دڵ، بەندە پرسیاری لێ‌ دەكرێت دەربارەیان لە ڕۆژی قیامەت، ئاخۆ چۆن كاری پێ‌ كردوون( ).
تۆ لە كوێیت لە قسەی خوای بەرز: (( قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ )) واتە: ئەی پێغەمبەر (صلى الله عليه وسلم) بە ئیمانداران بڵێ‌: با چاوی خۆیان دانەوێنن، وە دامێنیان بە پاك ڕابگرن، كە ئەمەش زۆر چاكترە بۆ ئەوان، وە خواش زۆر بە ئاگایە بەوەی دەیكەن.
تۆ لە كوێیت لە قسەی خوای بەرز:((هَذَا كِتَابُنَا يَنطِقُ عَلَيْكُم بِالْحَقِّ إِنَّا كُنَّا نَسْتَنسِخُ مَا كُنتُمْ تَعْمَلُونَ)) [النور: ٣٠].
واتە: ئەمە ئەو كیتابەی ئێمەیە، كە بە حەق شایەتیتان لەسەر دەدا، وە بەڕاستی ئێمە هەموو ئەو كارانەی دەتانكرد دەماننوسیەوە.
ئەرێ‌ شەرم ناكەیت لە پەروەردگارو دروستكارت، كە لێت نزیكترە لەو دەمارەی كە بە ملتەوەیە؟ ئایا نازانیت بەڕاستی ڕۆژی قیامەت نزیكە؟ وە لەوێدا ئەوەی هەتە دەردەكەوێت، لە كردەوە خراپ‌و دزێوە شاراوەكانت: ((وَبَدَا لَهُمْ سَيِّئَاتُ مَا عَمِلُوا وَحَاقَ بِهِم مَّا كَانُوا بِهِ يَسْتَهْزِؤُون)) [الجاثية: ٣٣] .
واتە: وە ئەو كردەوە خراپ‌و ناشیرینانەی كە دەیان كرد، بۆیان دەردەكەوێت، ـ لە قیامەتدا ـ وە ئەوەش كە گاڵتەیان پێ‌ دەكرد دەورەیان دەدات وتوشی دەبن. واتە: دۆزەخ .
ئایە نازانیت بەڕاستی پەرستراوت ( الله ) دەتبینێت‌و، ئاگادارە بەسەرتەوە، تۆ لە چ حاڵێكدا بیت: ((إِنَّ اللَّهَ لاَ يَخْفَىَ عَلَيْهِ شَيْءٌ فِي الأَرْضِ وَلاَ فِي السَّمَاء )) [آل عمران: ٥].
واتە: بەڕاستی خوا هیچ شتێكی لێ‌ شاراوە نابێت، جا لە زەویدا بێت، وە یا لە ئاسمان.
دەی برام لە خوا بترسە، و بوەستە لە سەرپێچی كردنی پەروەردگارت‌و، با گەنجیەتی‌و تەندروستی باش فریوت نەدات، وە خۆت ببە بە پزیشكی دەرونی خۆت‌و، چارەی دڵ‌و دەرونت بكە، بە پەرستش كردن بۆ پەروەردگارت‌و، وە بە زیكرو شوكری ئەو، وە خوێندنەوەی كیتابەكەی، ئەو بەهەشتە مەفرۆشە؛ كە پانیەكەی بە قەد ئاسمان زەویە، بە ئارەزووی ساتێك! وە لەسەرتە دوركەویەوە لە فیتنە‌و ئاژاوەكان، وە لێ یان ڕاكەی، وەكو چۆن ڕادەكەی لە شێر، چونكە بەڕاستی هیچ شتێك هاوتەریبی سەلامەتی نیە، وە بەختەوەریش ئەو كەسەیە، كە پەند لە جگە لە خۆی وەرگرێت، لە پاشاندا داوای سەركەوتن‌و یارمەتی دەكەم لە پەروەردگارت، لەسەر گرتنە بەری ڕێگای تەقواو بەردەوامی، خواش سەرخەرە، هەرئەویش باشترین یارو سەرخەرو گەورەیە.
وصلی الله علی نبینا محمد وعلی آلِهِ ۆصحبِهِ وسلم.