الحمد لله رب العالمين والصلاة والسلام على نبينا محمد وعلى آله وصحبه أجمعين، وبعد:
لە بەشی یەكەمدا باسی مانای نەفرەت وحوكمی نەفرەت كردن وهەندێك لە نەفرەت لێكراوانمان كرد بە پشتیوانی خوای گەورە لەم بەشەیشدا باسی هەندێكی تر لە نەفەرەت لێ‌ كراوان دەكەین بۆ ئەوەی خۆمان لەو كردەوانە بپارێزین كە دەبنە هۆی نەفرەت لێ‌ كردنمان ودورخستنەوەمان لە سۆز وبەزەیی خوای گەورە:
پێنجەم: دووڕووەكان:
خوای گەورە دەفەرمێت:
[الْمُنَافِقُونَ وَالْمُنَافِقَاتُ بَعْضُهُمْ مِنْ بَعْضٍ يَأْمُرُونَ بِالْمُنْكَرِ وَيَنْهَوْنَ عَنِ الْمَعْرُوفِ وَيَقْبِضُونَ أَيْدِيَهُمْ نَسُوا اللَّهَ فَنَسِيَهُمْ إِنَّ الْمُنَافِقِينَ هُمُ الْفَاسِقُونَ وَعَدَ اللَّهُ الْمُنَافِقِينَ وَالْمُنَافِقَاتِ وَالْكُفَّارَ نَارَ جَهَنَّمَ خَالِدِينَ فِيهَا هِيَ حَسْبُهُمْ وَلَعَنَهُمُ اللَّهُ وَلَهُمْ عَذَابٌ مُقِيمٌ] [التوبة: 67-68].
واتە: دووڕووەكان ئافرەتانیان وەكو پیاوانیان وان لە بێ‌باوەڕی ودووری لە باوەڕەوە، فەرمان دەكەن بە خراپەو بەرهەڵستی دەكەن لە چاكە، وە رەزیلن ودەستیان دەگرنەوە لە خێر وچاكە وبەخشین لە پێناوی خوای گەورەدا، خوای گەورەیان لە یاد كردووە ولە سزای ئەمەیشدا خوای گەورە ئەوانی بێ‌ئاگا كردووە لە بەزەیی خۆی، بەڕاستی دووڕووەكان لەڕێ‌دەرچوون، خوای گەورە پەیمانی دۆزەخی بە دووڕەكان وكافران داوە كە بە هەمیشەیی تێیدا دەمێننەوە، كە دۆزەخ بەسیانە بۆ سزادانیان، وەخوای گەورە نەفرەتی لێ‌ كردون، وەسزایەكی بەردەوامیان بۆ هەیە.
دووڕوویی مانای شاردنەوەی كوفرو بێ‌ باوەڕی ودەرخستنی ئیمانە، هەركەسێك بەم حاڵە بێت زۆر خراپترە لە كافرو بێ‌باوەڕەكان، بۆیە سەرەنجامیان نزمترین شوێنی ناو دۆزەخە، وەكو خوای گەورە دەفەرمێت:
[إِنَّ الْمُنَافِقِينَ فِي الدَّرْكِ الْأَسْفَلِ مِنَ النَّارِ وَلَنْ تَجِدَ لَهُمْ نَصِيرًا] [النساء: 145].
واتە: بەڕاستی دووڕووەكان لە نزمترین پلە وخوارەوەی دۆزەخن، وەنابینیت كەسێك هەبێت رزگاریان بكات لەو شوێنە.
ئەم جۆرەیش دووڕوویی گەورە دەگرێتەوە كە مرۆڤـ لە ئیسلام دەردەكات، وە شایەنی مانەوەی هەمیشەیی¬یە لە ئاگری دۆزەخدا.
دووڕوویی بچوك: مرۆڤـ لە ئیسلام ناكاتە دەرەوە، وە بە هەمیشەیی لە ناو ئاگردا نایهێڵێتەوە، وەلە شەرعدا ئەو ناوە دراوە بەسەر كەسێكدا كە خاوەنی ئیمانە بە خواو پێغەمبەری خوا(صلى الله عليه وسلم) بەڵام درۆیش دەكات لە قسەكردندا، وە سەرپێچی پەیمانی دەكات، وە ستەم وخراپەكاریش دەكات، هەروەكو چۆن پێغەمبەر(صلى الله عليه وسلم) دەفەرمێت:
(أربع من كن فيه كان منافقا خالصا ومن كانت فيه خصلة منهن كانت فيه خصلة من النفاق حتى يدعها إذا حدث كذب وإذا وعد أخلف وإذا عاهد غدر وإذا خاصم فجر)((صحيح الجامع الصغير: 890).
واتە: چوار سیفات هەیە هەر كەسێك تێیدا بێت ئەوا دووڕوویەكی تەواوە، وە هەركەسێك یەك سیفەتی تێدا بێت ئەوا سیفەتی دووڕوویی تێدایە هەتا وازی لێ‌ دێنێت: كە قسە بكات درۆ دەكات، وە بەڵێن بدات دەیشكێنێت، وە پەیمان بدات ستەم دەكات، وە ڕووبەڕوو بێتەوە خراپە كاری دەكات.

شەشەم: جوێندەران بە هاوەڵانی(رضي الله عنهم) پێغەمبەر(صلى الله عليه وسلم)
لە ئیبن عومەرەوە (رضي الله عنهما) فەرمووی: پێغەمبەر (صلى الله عليه وسلم) دەفەرمێت:
(من سب أصحابي فعليه لعنة الله والملائكة والناس أجمعين)( (صحيح الجامع الصغير: 6285).
واتە: ئەوەی جوێن بە هاوەڵانم بدات ئەوا نەفرەتی خواو فریشتەكان وهەموو خەڵكی لەسەر بێت.
حەوتەم:درۆزنەكان:
خوای گەورە دەفەرمێت:
[فَمَنْ حَاجَّكَ فِيهِ مِنْ بَعْدِ مَا جَاءَكَ مِنَ الْعِلْمِ فَقُلْ تَعَالَوْا نَدْعُ أَبْنَاءَنَا وَأَبْنَاءَكُمْ وَنِسَاءَنَا وَنِسَاءَكُمْ وَأَنْفُسَنَا وَأَنْفُسَكُمْ ثُمَّ نَبْتَهِلْ فَنَجْعَلْ لَعْنَةَ اللَّهِ عَلَى الْكَاذِبِينَ ]
[آل عمران: 61].
واتە: هەركەسێك لە گاورەكان دەمەقاڵێ‌ی لەگەڵا كردیت لەسەر ئەوەی كە عیسی(عليه الصلاة والسلام
) خوایە، یان كوڕی خوایە ئەوا ئەی محمد(صلى الله عليه وسلم) تۆ پێیان بڵێ‌: ئەگەر ڕاست دەكەن وەرن با هەر یەكێك لە ئێمە بانگی منداڵا وخێزان وخۆمان بكەین وپاشان موباهەلە بكەین (واتە: دەست لە خوا بەرز بكەینەوە ولێ‌¬ی بپاڕێینەوە بەوەی كە نەفرەت وسزای خۆی بنێرێت بۆ سەر درۆزن) بەڵام گاورەكان نەیان وێرا چونكە دڵنیا بوون كە ئەگەر بیان كردایە ئەوا خوای گەورە لە پێش چاوی خەڵكی سزای بۆ دەناردن.
وە پێغەمبەر(صلى الله عليه وسلم) دەفەرمێت:
(وإياكم والكذب فإن الكذب يهدي إلى الفجور وإن الفجور يهدي إلى النار وما يزال الرجل يكذب ويتحرى الكذب حتى يكتب عند الله كذابا)( (صحيح الجامع الصغير: 4071).
واتە: خۆتان بپارێزن لە درۆ چونكە درۆ بەرەو خراپەتان دەبات، وە خراپەیش بەرەو ئاگرتان دەبات، وە پیاوی وا هەیە ئەوەندە درۆ دەكات تا لای خوای گەورەیش بە درۆزن ناونوس دەكرێت.
هەشتەم: ستەمكاران:
خوای گەورە دەفەرمێت:
[فَأَذَّنَ مُؤَذِّنٌ بَيْنَهُمْ أَنْ لَعْنَةُ اللَّهِ عَلَى الظَّالِمِينَ] [الأعراف: 44].
واتە: بانگەرێك لەلایەنی خوای گەورەوە بانگ دەكات لە نێوان ئەهلی دۆزەخ وبەهەشتدا ودەڵێت: نەفرەتی خوا لە ستەمكاران بێت.
وە پێغەمبەر(صلى الله عليه وسلم)دەفەرمێت:
(اتقوا الظلم فإن الظلم ظلمات يوم القيامة)((صحيح الجامع الصغير: 101 ).

واتە: خۆتان لە ستەم بپارێزن چونكە ستەم كردن تاریكی¬یە لە رۆژی دواییدا.
نۆیەم: خراپەكاران وئەوانەی پەیوەندی خزمایەتی ناگەیەنن:
خوای گەورە دەفەرمووێت:
[فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الْأَرْضِ وَتُقَطِّعُوا أَرْحَامَكُمْ أُولَئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَى أَبْصَارَهُمْ ] [محمد: 22-23].
واتە: ئایا وادەزانن كە ببن بە كاربەدەست ئاشوب دەنێنەوە لەسەر زەوی وخوێن دەرژێنن بە ناحەق، وپەیوەندی خزمایەتی دەپچڕێنن، ئەمانە خوای گەورە نەفرەتی لێ‌ كردوون وكەڕی كردوون لە ئاستی بیستنی حەق وكوێری كردوون لە ئاستی بینینی حەق.
وە لە ئاشوب نانەوە لەسەر زەویدا: یەكەم: رێگری لە دینی خوا.
دووەم: بچڕاندنی پەیوەندی خزمایەتی كە خوای گەورە فەرمانی بە گەیاندنی كردوووە، وەك پێغەمبەر (صلى الله عليه وسلم) دەفەرمووێت:
(الرحم معلقة بالعرش تقول من وصلني وصله الله ومن قطعني قطعه الله)((صحيح الجامع الصغير: 3549 ) .
واتە: پەیوەندی خزمایەتی هەڵواسراوە بە عەرشی خواوە ودەڵێت: هەركەسێك بمگەیەنێت خوا رەحم وبەزەیی خۆی پێ‌ بگەیەنێت، وەهەركەسێكیش نەمگەیەنێت خوا رەحم وبەزەیی خۆی پێ‌ نەگەیەنێت.
دەیەم: كوشتنی بەناحەق:
خوای گەورە دەفەرمێت:
[وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا] [النساء: 93].
واتە: هەركەسێك باوەڕدارێك بكوژێت بە قەستی وبەبێ‌ حەق ئەوا سزاكەی دۆزەخە وبەنەمری تێیدا دەمێنێتەوە وخوای گەورە لی¬َی توڕە دەبێت ونەفرەتی لێ‌ دەكات وسزایەكی زۆر گەورەی بۆ داناوە.
لەم ئایەتەدا سزای بكوژی بەناحەق دیاری كراوە كە ئەمانەن:
یەكەم: سزای ناو دۆزەخ.
دووەم: مانەوەی لە ناو دۆزەخدا بە نەمری.
سێ‌یەم: توڕەیی خوای لەسەرە.
چوارەم: نەفرەتی خوای لەسەرە ودەردەچێت لە رەحمەتی خوا.
پێنجەم: وەسف كردنی سزاكەی بەوەی كە سەخت وگەورەیە.
پێغەمبەر(صلى الله عليه وسلم) دەفەرمووێت:
(لا يحل دم امرئ مسلم يشهد أن لا إله إلا الله وأني رسول الله إلا بإحدى ثلاث: الثيب الزاني والنفس بالنفس والتارك لدينه المفارق للجماعة)((صحيح الجامع الصغير: 7643 ).
واتە: خوێنی هیچ موسڵمانێك حەڵاڵا نییە بڕژێندرێت كە شایەتی بدات بە: لا إله إلا الله ومحمد رسول الله ئیللا یەكێك لەم سێ‌ شتە نەبێت: زینا كردن لە پاش زەواجێكی شەرعی، كوشتنی بە ناحەق، وازهێنان لە دین دوركەوتنەوە لە كۆمەڵی موسڵمانان .
یانزەهەم: سووخۆر
خوای گەورە دەفەرمێت:
[الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا] [البقرة: 275].
واتە: ئەوانەی سوو دەخۆن لە رۆژی قیامەتدا راست نابنەوە ئیللا وەكو ئەو كەسە نەبێت كە شەیتان دەستی لێ‌ وەشاندوە وشێت بووە، لەسزای ئەوەی كە دەیان ووت: كڕین فرۆشتنیش وەكو سوو وایە، بەڵام راست ناكەن چونكە خوای گەورە كڕین وفرۆشتنی حەڵاڵا كردووە و سووخواردنی حەرام كردووە.
وعن جابر بن عبد الله(رضي الله عنه) قال:
(لعن رسول الله(صلى الله عليه وسلم) آكل الربا ومؤكله وكاتبه وشاهديه وقال هم سواء)((صحيح الترغيب والترهيب: 1847 ).

واتە: پێغەمبەر(صلى الله عليه وسلم) نەفرەتی كردووە لە سوو خۆر وپێ‌ سپێراو ونوسەر وهەردوو شایەتەكەی، وە فەرمووی: هەموویان یەكسانن.
دوانزەهەم: لەكەداركەرانی ئافرەتانی باوەڕداری داوێن پاك:
[إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآَخِرَةِ وَلَهُمْ عَذَابٌ عَظِيمٌ ] [النور: 23].
واتە: ئەوانەی كە ئافرەتانی باوەڕداری داوێن پاكی بێ‌ئاگا لە داوێن پیسی لەكەدار دەكەن ئەوانە نەفرەتیان لێ‌ كراوە لە دونیا و دوا رۆژدا، وە سزایەكی زۆ گەورەیان بۆ هەیە.
(اجتنبوا السبع الموبقات، قالوا: يا رسول الله وما هن؟ قال: الشرك بالله، والسحر، وقتل النفس التي حرم الله إلا بالحق، وأكل الربا، وأكل مال اليتيم، والتولي يوم الزحف، وقذف المحصنات المؤمنات الغافلات)((مشكاة المصابيح: 52 ).
واتە: خۆتان دوور بخەنەوە لە حەوت تاوانە گەورە بە هیلاك دەرە، هاوەڵان(رضي الله عنهم) فەرموویان: ئەی پێغەمبەری خوا (صلى الله عليه وسلم) چین ئە حەوت تاوانە؟ ئەویش فەرمووی: هاوەڵا دانان بۆ خوای گەورە، وجادووكردن، و كوشتنی بە ناحەق، و سووخواردن، و خواردنی ماڵی هەتیو بەناحەق، وهەڵهاتن لەكاتی ڕووبەڕووبوونەوەی دوژمندا، و لەكەدار كردنی ئافرەتانی باوەڕداری داوێن پاكی بێ‌ئاگا لە داوێن پیسی.
سیانزەهەم: شاردنەوەی حەق ونكوڵی كردن لێ‌ی:
خوای گەورە دەفەرمێت:
[إِنَّ الَّذِينَ يَكْتُمُونَ مَا أَنْزَلْنَا مِنَ الْبَيِّنَاتِ وَالْهُدَى مِنْ بَعْدِ مَا بَيَّنَّاهُ لِلنَّاسِ فِي الْكِتَابِ أُولَئِكَ يَلْعَنُهُمُ اللَّهُ وَيَلْعَنُهُمُ اللَّاعِنُونَ] [البقرة: 159].
واتە: ئەو كەسانەی كە ئەو بەڵگە رون وئاشكرایانە دەشارنەوە كە ئێمە دامانبەزاندووە لە پاش ئەوەی كە ئێمە خۆمان رونمان كردۆتەوە بۆ خەڵكی لە قورئاندا ئەوانە خوای گەورە هەموو نەفرەتكاران نەفرەتیان لێ‌ دەكەن.
هەرچەندە ئەم ئایەتە بۆ سەر زانایانی جولەكە دابەزیووە كە نكوڵی پێغەمبەرایەتی پێغەمبەریان دەكرد ودەیان شاردەوە، بەڵام هەموو كەسێك دەگرێتەوە كە زانیارییەكی هەبێت ولە نكوڵی كردن وبەدرۆخستنەوەدا بیشارێتەوە، وەخوای گەورەیش قەدەغەی شاردنەوەی حەقی كردووە چونكە زیانێكی زۆری هەیە، لەوانە:
نەمانی حەق و بڵاوبونەوەی نەزانی، وە بەدرۆخستنەوەی راستگۆ، وبەراست زانینی درۆزن، وبڵاوبونەوەی بیدعەو خورافات، وحەڵاڵا كردنی حەرام، وحەرام كردنی حەڵاڵا، وشوێن كەوتنی ئارەزوو....
چواردەهەم: جوێن دان بە دایك وباوك وئازاردانیان:
پێغەمبەر(صلى الله عليه وسلم)دەفەرمێت:
(لعن الله من لعن والديه)( (صحيح الجامع الصغير: 5112).
واتە: خوای گەورە نەفرەتی كردووە لەو كەسەی كە نەفرەت لە دایك وباوكی دەكات.
وەدەفەرمێت:
(ملعون من عق والديه)( (صحيح الترغيب والترهيب: 2420).
واتە: نەفرت لێ‌ كراوە هەركەسێك كە ئازاری دایك وباوكی بدات.
خوای گەورە فەرمانی پێ‌ كردووین كە سوپاسی دایك باوكمان بكەین وچاكەیان لەگەڵدا بكەین.
پازەهەم: سەربڕین بۆ جگە لە خوای گەورە:
پێغەمبەر (صلى الله عليه وسلم) دەفەرمێت:
(لعن الله من ذبح لغير الله)((صحيح الجامع الصغير: 5112) ).
واتە: خوای گەورە نەفرەتی كردووە لە كەسێك كە شتێك سەرببڕێت بۆ جگە لە خوای گەورە.
سەربڕین جۆرێكە لە پەرستن كە دروست نییە بۆ جگە لە خوا جێ‌بەجێ‌ بكرێت.
* هەركەسێك خۆی نزیك بكاتەوە لە جگە لە خوا بە رشتنی خوێن، وەك دیاری و قوربانی ئەوا هاوەڵی بۆ خوا داناوە، وەكردەوە چاكەكانی پێ‌ پوچەڵا دەبێتەوە.
ئیمامی نەوەوی دەفەرمێت: مەبەست پێ‌ی سەربڕینە بۆ جگە لە خوا وەكو سەربڕین بۆ بتێك، یان خاچێك، یان بۆ موسی، یان بۆ عیسی (علیهما الصلاە والسلام) یان بۆ كەعبە یان بۆ كەسێك، هەموو ئەمانە حەرامن، وە ئەو گۆشتە حەڵاڵا نییە ئیتر ئەگەر ئەوەی سەری دەبڕێت موسڵمان بێت یان گاور بێت یان جولەكە.
شانزەهەم: مەی خۆرو یارمەتی دەری:
پێغەمبەر (صلى الله عليه وسلم) دەفەرمووێت:
(لعن الله الخمر وشاربها وساقيها وبائعها ومبتاعها وعاصرها ومعتصرها وحاملها والمحمولة إليه وآكل ثمنها)( (صحيح الجامع الصغير: 5091).
واتە: خوای گەورە نەفرەتی كردووە لە مەی ومەی خۆر و تێكەر وفرۆشیار وكڕیار و گوشەر و بۆ گوشراو هەڵگر وبۆ هەڵگیراو و بخۆری پارەكەی.
وەدەفەرمێت:
(لا تشربوا الخمر فإنها مفتاح كل شر)( (صحيح الجامع الصغير: 7334)
واتە: مەی مەخۆنەوە چونكە دەرگای هەموو خراپەیەكە.
* مەی دایكی خراپەكانە چونكە بۆ خراپەكارییەكانی تری جگە لە خۆیت دەبات، ئەوەی مەی خۆر بێت هەموو تاوانەكانی تری لە لا ئاسانە وەك زینا كردن ودزی وكوشتن و....
وە خوای گەورە دەفەرمێت:
[يَا أَيُّهَا الَّذِينَ آَمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ إِنَّمَا يُرِيدُ الشَّيْطَانُ أَنْ يُوقِعَ بَيْنَكُمُ الْعَدَاوَةَ وَالْبَغْضَاءَ فِي الْخَمْرِ وَالْمَيْسِرِ وَيَصُدَّكُمْ عَنْ ذِكْرِ اللَّهِ وَعَنِ الصَّلَاةِ فَهَلْ أَنْتُمْ مُنْتَهُونَ ]
[المائدة: 90-91].
واتە: ئەی باوەڕداران بەڕاستی مەی وقومار و بت و یانصیب پیسن ولە كردەوەی شەیتانن، بۆیە ئێوە خۆتانی لێ‌ دوور بخەنەوە بە ڵكو سەركەوتوو سەرفراز بن، تەنها شەیتان دەیەوێت بەهۆی مەی خواردن وقوماركردنەوە دوژمنایەتی ورق وكینە بخاتە نێوانتانەوە، وەبەربەستتان بكات لە یادی خوا و نوێژكردن ئایا ئێوە تەواو بوون ووازی لێ‌ دەهێنن؟

حەڤدەهەم: دز:
خوای گەورە دەفەرمێت:
[وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالًا مِنَ اللَّهِ وَاللَّهُ عَزِيزٌ حَكِيمٌ] [المائدة: 38].
واتە: دزی پیاو وژن دەستیان ببڕنەوە وەكو سزایەك بۆ ئەو كارەیان، وە وەكو سەرزەنشت كردنێك لە خوای گەورەوە بۆیان، بەڕاستی خوای گەورە بەدەسەڵات وكاربەجێ‌یە.
وە پێغەمبەر (صلى الله عليه وسلم) فەرموویەتی:
(لعن الله السارق يسرق البيضة فتقطع يده ويسرق الحبل فتقطع يده)( (صحيح الجامع الصغير: 5097).
واتە: خوای گەورە نەفرەتی كردووە لە دزێك كە هێلكەیەك دەدزێت ودەستی لەسەری دەبڕدرێت.
ئەم فەرموودەیە ناشیرینی دزی روون دەكاتەوە لەگەڵا توندی ئەو سزایەی كە بۆ دانراوە كە دەست بڕینە.
وە دزی بەڵگەیە لەسەر ناپاكی، وە بەرهەمی تەماح و ئیرەیی و رق و كینە ودژایەتی و رازی نەبوونە بە بەشی خوا، وەهەر دزییە دەبێتە هۆی كوشتن وستەم كردن وڕێ‌ بڕین و بڵاوبوونەوەی ترس لە ناو كۆمەڵدا.


هەژدەهەم: حەڵاڵا كەر وحەڵاڵا بۆكراو:
پێغەمبەر (صلى الله عليه وسلم) فەرمووی:
(لعن الله المحلل والمحلل له)( (صحيح سنن أبي داود: 2076).
واتە: خوای گەورە نەفرەتی كردووە لە حەڵاڵا كەر وحەڵاڵا بۆكراو.
حەڵاڵا كەر ئەو كەسەیە كە ئافرەتێكی تەڵاق دراو مارە دەكات لە خۆی یان لە كەسێكی تر، پاشان تەڵاقی دەدات بۆ ئەوەی بۆ مێردی یەكەمی حەڵاڵا بێتەوە، كە ئەمەیش یاری كردنە بە شەرعی خوا بۆیە پێغەمبەر (صلى الله عليه وسلم) نەفرەتی لێ‌ كردوون.
نۆزدەهەم: نێرباز:
پێغەمبەر (صلى الله عليه وسلم) فەرموویەتی: (لعن الله من عمل عمل قوم لوط قالها ثلاثا)( (صحيح الترغيب والترهيب: 2421).واتە: خوای گەورە نەفرەتی كردووە لە هەر كەسێك كە كاری نەتەوەكەی لوط (رضي الله عنه) دەكات، سێ‌ جا پێغەمبەر (صلى الله عليه وسلم) دووبارەی كردەوە.
وەدەفەرمێت: (إن أخوف ما أخاف على أمتي من عمل قوم لوط)( (صحيح الترغيب والترهيب: 2417) ..
واتە: ترسناكترین شت كە لە ئوممەتەكەم دەترسم توشی بن كردەوەی نەتەوەكەی (لوط)ه (رضي الله عنه)
وەدەفەرمێت:
(من وجدتموه يعمل عمل قوم لوط فاقتلوا الفاعل والمفعول به)((صحيح سنن أبي داود: 4462 ).
واتە: هەر كەسێكتان بینی كردەوەی نەتەوەكەی (لوط) ی(رضي الله عنه) دەكرد ئەوا هەردووكیان بكوژن.
بیستەم: هەركەسێك بچێتە لای خێزانی لە دواوە:
پێغەمبەر (صلى الله عليه وسلم)دەفەرمووێت:
(ملعون من أتى امرأته في دبرها)( (صحيح سنن أبي داود: 2162).
وەدەفەرمێت:
(من أتى حائضا أو امرأة في دبرها أو كاهنا فصدقه بما يقول فقد كفر بما أنزل على محمد)((صحيح سنن ابن ماجة: 639).
واتە: هەركەسێك بچێتە لای خێزانی لەكاتی بێ‌ نوێژیدا، یاخود لە دواوە، یاخود بچێت بۆلای فاڵچی وبەڕاستی بزانێت، ئەوا كوفری كردووە بەو قورئانەی كە دابەزیووە بۆ سەر محمد (صلى الله عليه وسلم).

وصلى الله على نبينا محمد وعلى آله وصحبه أجمعين.