ژمارەی بینین:

خوشكی بەڕێزم چی رێگریت دەكات لە باڵا پۆشی

نوسەر:م. فەرەیدون محمد
بەروار:٢٠١٢/٠٩/٠٧

بسم الله الرحمن الرحيم
الحمد لله وحده والصلاة والسلام على عبده ورسوله نبينا محمد واله وصحبه.
بێگومان شەریعەتی ئیسلام شەریعەتی هەمە لایەنەیەو هەموو بوارەكانی ژیان دەگرێتەوە‌و هیچ لایەنێكی فەرامۆش نەكردووە و هەر لە بچوكترین شت تاوەك گەورەترین شت كە بگونجێت بۆ هەموو كات و شوێن ‌وچینەكانی كۆمەڵگە بە نێرو مێ¬یەوە، یەكێك لەو باسانەی كە خوای گەورە زۆر گرنگی پێ داوە بریتی¬یە لە مافەكانی ئافرەت هەر لە ژیان ‌ومیراتی‌و شوكردن ‌وخووڕەوشت ‌وپۆشینی جل‌و بەرگ ‌ودایكایەتی‌و.......هتد
جا لێرەوە ئەوەی مەبەستمانە لەم پەیامەوە بیگەیەنین بەهەموو موسڵمانێكی حەق ویست ئەوەیە كە بە ڕاستی خوای گەورە زۆر گرنگی داوە بە پۆشاكی ئافرەتی موسوڵمان ‌وجەختیش لەسەر ئەوە دەكات كە پێویستە ئافرەتی موسڵمان هەموو لاشەی دابپۆشێت، چونكە خوای گەورە خۆی كە دروست كەری مرۆڤەكانە دەزانێت كە لەشی ئافرەت چەند كاریگەری هەیە لەسەر پیاو، هەر بۆیە لەم ڕووەوەیە كە دوژمنانی ئیسلام هەستیان بەم خاڵە كردووە‌و یەكێك لەو چەكانەی كەبەكاریان هێناوە لە دژی موسڵمان بریتییە لە بانگەشەكردنی ڕووتی‌و سفووری ئافرەت، كەواتە خوشكی بەڕێزم باڵاپۆشی چقڵی چاووی دوژمنانی ئیسلام ‌وموسڵمانەو هۆكارێكی سەرەكیشە بۆ پاراستی كۆمەڵگە لە بەدڕەوشتی‌و خراپەكاری‌و ئابڕوو چوون، چونكە بە ڕاستی ئێوە بناغەی كۆمەڵگەن ‌وكۆمەڵگەیش بە ئێوەوە بەندە جا ئەگەر بەڕێزت پەیوەست بووی بە حیجاب ‌وپۆشاكی شەرعی ئەوا خۆت لە تووڕەیی خوای گەورە دەپارێزیت، وە ئەگەر بە پێچەوانەوە بوویت ئەوا یەكێكی لەوانەی كە بەر توڕەیی خوای گەورە دەكەویت پەنا بە خوا، بۆیە ئەوەی لەم بابەتەدا دەیخوێنیتەوە كۆمەڵێك پرسیارن ئاراستەی چەند خوشكێك كراوە سەبارەت بەوەی: (ڕێگرەكانی بەردەم باڵا پۆشیت چین؟).
جابۆیە خوای گەورە باڵا پۆشی لەسەر ئافرەتان فەرز كردووەو تۆیش ئەگەر دەتەوێت شوێنكەوتەی خێزانەكانی پێغەمبەری خوا(صلى الله عليه وسلم) بیت ئەوا دەبێت جل‌و پۆشاكەكەت بە وێنەی جل‌و پۆشاكەكەی ئەوان بێت، هەروەها هۆی حیجاب نەكردنی ئافرەتان دەگەڕێتەوە بۆ چەند عوزرو بیانوویەك كە ئەمەش لە ئەنجامی ئەو پرسیارەی ئاراستەی چەند ئافرەتێك كراوە دەركەوت چەند بیانوویەكیان هەبوو زۆر لاوازو وەرنەگیراو، كەواتە خوشكی بەرێزم لەوانەیە بیانووەكانی تۆش یەكێك بێت لەم بیانووانە:
پ/ ئەو هۆكارانە چین كە ناهێڵن ببیت بە(حجاب) باڵا پۆش؟
بیانووی یەكەم: یەكێك لەو ئافرەتانە ووتی: من هێشتا قەناعەتم بە حجاب نی-یە.
ئێمەش دوو پرسیار لەو خوشكە دەكەین:
1- ئایا تۆ لە بنەڕەتدا قەناعەتت بە ئیسلام هەیەو باوەڕی پێ دەكەیت؟ بێگومان لە وەڵامدا دەڵێت: بەڵێ‌، (أشهد أن لا إله إلا ألله وأشهد أن محمداً رسول الله)كە ئەمەش قەناعەتە بەدینی ئیسلام وبەمەش حسابی موسڵمانت بۆ دەكرێت، واتە: یاساكانی ئیسلامت بە دڵنیایی¬یەوە وەرگرتووەو بە بەرنامەی ژیانی خۆشتی دەزانی.
2- ئەی ئایا باڵا پۆش لە ئیسلامدا فەرز نی¬یە؟ لێرەشدا ئەگەر خۆی وێڵا نەكات ولە تەواوی ڕاستی¬یەكان پشت هەڵنەكات دەڵێت: بەڵێ‌ .
دەی كەواتە ئەو خوایەی كە تۆ باوەڕت پێی هێناوە‌و بە خوای خۆتی دەزانی وئەو پێغەمبەرەی (صلى الله عليه وسلم) كە دانی پێدا دەنێیت ‌وبە ڕاستی دەزانیت هەر ئەویش فەرمانت پێ دەكات بە باڵا پۆشی، جا لێرەوە ئایا دەبێت باوەڕت بە خواو پێغەمبەرەكەی(صلى الله عليه وسلم) ‌وبەرنامەكەی هەبێت، بەڵام فەرمانەكانیشی پشت گوێ‌ بخەیت ‌وكاری پێ نەكەیت لە كاتێكدا ئەگەر پێچەوانەی قسەكەی خۆت بیت ئەوا ئەم فەرموودەیەی خوای گەورە ناتگرێتەوە كە دەفەرمێت: [إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَنْ يَقُولُوا سَمِعْنَا وَأَطَعْنَا وَأُولَئِكَ هُمُ الْمُفْلِحُونَ] [النور: 51]. واتە: گوفتاری باوەڕداران كاتێك بانگ دەكرێت بۆ لای خواو پێغەمبەرەكەی(صلى الله عليه وسلم) تا فەرمانڕەوای بكات لە نێوانیاندا تەنها ئەوەیە كە دەڵێن: بیستمان ‌و گوێڕایەڵین بۆ هەموو فەرمانێكی شەرع، وە هەر ئەوانەشن كە سەرفرازوو سەركەوتوون.
بیانووی دووەم: ئافرەتێكی تر ووتی: لە وڵاتەكەم ئاوو هەوا گەرمەو ناتوانم حیجاب بكەم؟
ئێمەش لە وەڵامدا بەو ئافرەتەو نمونەی ئەو ئافرەتە دەڵێین: خوشكی بەڕێز ئایا گەرمای دونیاو گەرمای تیشكی خۆر گەرمترە یان گەرماو هەڵاوی ئاگری دۆزەخ؟ وەك خوای گەورە دەفەرمێت:[ قُلْ نَارُ جَهَنَّمَ أَشَدُّ حَرًّا لَوْ كَانُوا يَفْقَهُونَ] [التوبة: 81].
واتە: ئەی محمد(صلى الله عليه وسلم) پێیان بڵێ‌ ئاگری دۆزەخ زۆر گەرمترە ئەگەر تێبگەن ‌وبیرو هۆشیان بخەنە كار.
كەواتە چۆن گەرمی ووڵاتەكەت وەك ئاگری دۆزەخە؟!.
بۆیە بزانە ئەوە تەنها شەیتان تۆی لە خشتە بردووەو هەڵی خەڵەتاندووی وكەوتویتەتە داوی¬یەوەو بە بیانووی ئەوەی لە گەرمای لاوازی دونیاوە بتگوێزێتەوە بۆ گەرمای بەتین ‌و بڵێسەداری دۆزەخ، وە بزانە خوشكی بەڕێز ژیانی دونیا تەنها گەرمای هاوین ‌و ساردی زستان نییە، بەڵكو ئەی چی دەڵێی بۆ وەرزەكانی تر؟! بۆیە پێویستە خۆشی دونیاو ڕازاوەكەی بكەیتە قوریانی ڕزگار بوون لە گەرمای دۆزەخ.
خوای گەورەیش دەفەرمێت: [ لَا يَذُوقُونَ فِيهَا بَرْدًا وَلَا شَرَابًا إِلَّا حَمِيمًا وَغَسَّاقًا] [النبأ: 24-25].واتە: لە دۆزەخدا هیچ فێنكی ‌وخواردنێك ناچێژن جگە لە ئاوی كوڵاو ‌وكێم ‌وزوخاو.
بیانووی سێیەم: یەكێكی تر لەو ئافرەتانە لەوەڵامی ئەو پرسیارەدا ووتی: من قەناعەتم بە واجب بوونی حیجاب هەیە بەڵام دایكم ڕێگریم لێ‌ دەكات، وەئەگەر بێ‌ فەرمانی دایكیشم بكەم ئەوا دۆزەخ جێگەمە.
بۆ وەڵامی ئەم خوشكەش دەڵێین: بەڕێزەكەم ئاگادارو وشیار بە ڕاستە دایك ‌وباوكت ڕێزی خۆیان هەیەو بە تایبەتیش دایك، بەڵام لە كاتێكدا ئەوان هانت بدەن بۆ سەرپێچی خوا ئەوا لەو كاتەدا بە گوێ‌ كردنیان دروست نییە‌و ڕێی پێ‌ نەدراوە چونكە پێغەمبەری خوا(صلى الله عليه وسلم) دەفەرمێت: (لا طاعة لمخلوق في معصية الخالق)( صحيح الجامع الصغير، رقم: 7520).واتە: گوێڕایەڵی هیچ دروست كراوێكی خوا ناكرێت لە شتێكدا كە یاخی بوونی خوای تێدا بێت.
بەڵێ‌ ڕاستە خوای گەورە ڕێزی دایك ‌و باوكی گرتووە‌و دەفەرمێت:
[وَاعْبُدُوا اللَّهَ وَلَا تُشْرِكُوا بِهِ شَيْئًا وَبِالْوَالِدَيْنِ إِحْسَانًا] [النساء: 36].واتە: ئەی خەڵكینە تەنها خوا بپەرستن ‌و هیچ جۆرە هاوەڵێكی بۆ پەیدا مەكەن و چاكەكار بن لەگەڵا دایك ‌وباوكتاندا، بەڵام لە كاتێكدا داوای سەرپێچی خوایان لێ كردی ئەوا: [وَإِنْ جَاهَدَاكَ عَلى أَنْ تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا] [لقمان: 15].واتە: ئەگەر دایك ‌وباوكت كۆششیان لەگەڵت كرد تا بە بێ‌ هیچ بەڵگەیەك ‌و زانیاری¬یەك هاوەڵا بۆ خوا بڕیار بدەیت ئەوا بە هیچ جۆرێك فەرمان بەرداریان مەبە وبەقسەشیان مەكە.
دەی كەواتە چۆن گوێڕایەڵی دایكت دروستە بۆ پشت گوێ‌ خستنی فەرمانی خوایەك كە خۆت ‌ودایكیشتی لە نەبوونەوە هێناوەتە بوون؟! لە كاتێكدا خوا بانگت دەكات بۆ بەهەشت ‌و دایكیشت دوورت دەخاتەوە لە بەهەشت، كەواتە فەرمانی كامیان جێ‌بەجێ‌ دەكەیت؟
بیانووی چوارەم: خوشكێكی تر بیانووی ئەوە بوو كە دەستیان ناڕوات تا پۆشاكێكی شەرعی لەبەر بكات.
بۆ وەڵامی ئەم پرسیارەش: ئەم خوشكە لە دوو حاڵەت بەدەر نی¬یە.
یەكەم: یان ڕاستگۆو دڵسۆزە.
دووەم: یان ڕاست ناكات ‌و حیجابێكی گران بەهاو بە مۆدێل ‌وڕازاوەی دەوێ‌، جارێ‌ لە خوشكی ڕاستگۆوە دەست پێ دەكەین.
بەڵێ‌ لە كاتێكدا تۆ دەزانی دروست نی-یە بۆ ئافرەتی موسڵمان بە جل‌و پۆشاكی ناشەرعی¬یەوە بچێتە دەرەوەی ماڵا كە مەرجەكانی شەرعی¬یەتی تێدا نەبوو كە ئەویش پێویستە لەسەر هەموو ئافرەتێكی موسڵمان ئەوە بزانێت، ئەگەر نا ئەوا با پرسیار لە كەسێكی شارەزا بكات: [فَاسْأَلُوا أَهْڵ الژِّكْڕ إِنْ كُنْتُمْ ڵا تَعْڵمُونَ] [النحل: 43].
واتە: پرسیار بكە لە كەسانی زیرەك ‌و خاوەن زانیاری لە كاتێكدا كە خۆت نایزانی.
بۆیە لێرەوە پێویستە خۆت یەكلا بكەیتەوەو لە شوێنكەوتنی شەیتانی سەرشۆڕ خۆت ڕزگار بكەو ئەوجا هەزاران خوشكی موسڵمان ‌و برایانی دیندار هەن كە دەستی یارمەتیت بۆ درێژ دەكەن‌و خوای گەورەیش دەفەرمێت: [وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ] [الطلاق: 2-3].واتە: جا ئەوەی لە خوا بترسێت ‌و پارێزگار بێت ئەوا خوای گەورە دەروی لێ‌ دەكاتەوە، وە بە شێوەیەك رزق ‌و رۆزی بۆ دەنێرێت كە حسابی بۆ نەكردبێت ‌و خۆی پەی پێ‌ نەبردبێت.
هەروەها بۆ دووەم كە ئەمەیان بە دوای مۆدێل‌و جوانیدا دەگەڕێت كە ئەمەش لە دینی خوای گەورەدا زەم كراوە، چونكە خوای گەورە دەفەرمێت:
[وَلَا يُبْدِينَ زِينَتَهُنَّ] [النور: 31].واتە: با جوانی لەش ‌ولاری خۆیان دەرنەخەن بەوەی كە حیجاب دەپۆشن، چونكە حیكمەتی حیجاب ئەوەیە كە جوانی ئافرەت بشارێتەوە‌و سەرەنجی پیاوی پێ‌ ڕانەكێشێ‌، بەڵام ئەگەر خۆی ڕازاندەوەو جوانی خۆی دەرخست ئەوا پێ‌ی ناوترێت باڵا پۆش، وە ئەوەی خوا لەسەری فەرز كردووە جێ‌ بەجێ‌¬ی نەكردووە. هەروەها بەڕاستی هەڵەیە ئەگەر وابزانرێت كە ڕێزو پلەو پایە بە خۆڕازاندنەوەو شتی جوانەوەیە لە كاتێكدا چاولێ‌ كەری سەردەم پلەی هیچ كەسی بەرز نەكردۆتەوە، بەڵكو پلەی بەرزی تۆ بە: [إِنَّ أَكْرَمَكُمْ عِنْدَ اللَّهِ أَتْقَاكُمْ]ة [الحجرات: 13].واتە: بەڕێزترینتان لای خوا ئەوەتانە كە زیاتر لە خوا دەترسێت ‌و فەرمانەكانی جێ‌ بەجێ‌ دەكات.
هەر بۆیە پرسیار كرا لە شێخی پایەبەرز (محمد بن صالح العثیمین) دەربارەی حیجاب ‌و جوانكاری تێیدا؟ ئەویش لە وەڵامدا فەرمووی: (ڕازاندنەوەی جل‌و بەرگی شەرعی بۆ ئافرەتان بە نەخش‌و جوانكاری دروست نییە، چونكە خوای گەورە دەربارەی ئەو ئافرەتانەی كە پیر بوون ‌و بەتەمای شوكردنیش نەماون چ جای ئافرەتێكی گەنج دەفەرمێت: [وَالْقَوَاعِدُ مِنَ النِّسَاءِ اللَّاتِي لَا يَرْجُونَ نِكَاحًا فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ] [النور: 60].واتە: ئەو ئافرەتانەی كە پیر بوون ‌و بەتەمای شوكردن نەماون ئەوا هیچیان لەسەر نییە ئەگەر روویان دەربخەن بە مەرجێك لەنج ‌ولاری نەنوێنن لە ڕۆیشتندا، وە جوانی بە ئەنقەست دەرنەخەن)( ).
بیانوی پێنجەم: ئافرەتێكی تر ووتی: ئەگەر ببم بە باڵا پۆش دەترسم لە ئایندەدا وازی لێ‌ بهێنم كە زۆر ئافرەتی وام بینیوە‌و وازیان هێناوەو بوونە بە سفور.
لەوەڵامدا دەڵێین: باشە ئەگەر هەموو كەس وەكو تۆ بیری بكردایەتەوە ئەوا وازی لە هەموو دین دەهێناو تەنانەت نوێژو ڕۆژوویشی واز لێ‌ دەهێنا‌و ئەنجامی نەدەدا، چونكە ئەترسا لەوەی ڕۆژێك وازی لێ‌ بهێنێ‌...... بەڵام بەڕێزەكەم زۆر هەڵەی بزانە چۆن كەوتویتە داوی شەیتانەوە‌و ڕاستی¬یەكانی لێ‌ وون كردووی، لە كاتێكدا خوای گەورە زۆر شارەزا ترە لەوەی كە لە دڵی تۆدا هەیە‌و هیدایەتی تۆش تەنها بە دەستی خوایە، هەروەها بەردەوامی و دامەزراوی لەسەر كردارەكان خۆشەویسترین شتن بە لای خواوە وەك پێغەمبەری خوا(صلى الله عليه وسلم) دەفەرمێت: (أحب الأعمال إلى الله أدومها وإن قل)( صحيح الجامع الصغير: 163). واتە: خۆشەویسترین كردەوە لای خوای گەورە ئەوەیە بەردەوام بیت لەسەری با كەمیش بێت.
باشە ئەی بۆچی لەو هۆكارانە ناترسی‌و لێیان دوور ناكەویتەوە كە ئەو كەسانەی بەرەو داماڵینی حیجاب برد تاكو تۆش وات لێ‌ نەیەت، كە من پێم وایە پێچەوانەكەی بەكار بهێنی‌و بەدوای ئەو هۆكارانەدا بگەڕێی كە دامەزراوی‌و بەردەوامیت پێ‌ دەبەخشێت لەسەر دینی خوا لەوانەش: (قورئان خوێندن ‌و لێ‌ وورد بوونەوەی، زۆر دوعا كردن، زیاد یاد كردنەوەی مردن، هاوڕێیەتی ئافرەتی چاك، وەرگرتنی ئامۆژگاری لە كەسی چاك......).
وەك خوای گەورە دەفەرمێت:
[وَلَوْ أَنَّهُمْ فَعَلُوا مَا يُوعَظُونَ بِهِ لَكَانَ خَيْرًا لَهُمْ وَأَشَدَّ تَثْبِيتًا] [النساء: 66].
واتە: ئەگەر ئەوانە بە ڕاستی بە گوێرەی ئامۆژگاری‌و فەرمانی ئێمە ڕەفتاریان بكردایە ئەوا چاكتر بوو بۆیان‌و دامەزراوترو چەسپاوتر دەبوون لەسەر حەق‌و ڕاستی.
بیانووی شەشەم: یەكێكی تر لەو ئافرەتانە ووتی: پێم دەڵێن ئەگەر بێت ‌و حیجاب لەبەر بكەیت ‌و ببیتە باڵا پۆش ئەوا كەس تۆی ناوێت ‌و هەرگیز شوو ناكەیت بۆیە منیش تا شوو نەكەم حیجاب ناكەم.
لەوەڵامی ئەم خوشكەشدا دەڵێین: لە ڕاستیدا ئەو پیاوەی كە تۆی دەوێت بە مەرجی رووتی وسفوری ئەوا لە خوا یاخی بووەو یەكێكە لە بەچكەكانی شەیتان، بۆیە تۆش زۆر لەوە گەورەتری كە شوو بكەیتە یەكێك لە بێچوەكانی شەیتان، چونكە ئەو پیاوە شەرەفی تۆی پێ‌ ناپارێزرێت ‌وبیریش لە پاشەڕۆژی تۆ ناكاتەوە، بۆیە زانیاری بەڕێزیشتە بنیات نانی خێزانێك لەسەر بەختەوەری ‌و كامەرانی وخۆش گوزەرانی ئافرەت ‌و پیاوە، كە ئەم بەختەوەری¬یەش تەنها لە ئیسلامدا هەیەو لای ئەو جۆرە پیاوانە دەست ناكەوێت، بەوەش كە حەوانەوەو جێ نشینگەی ئەو خێزانەش بە یادی خواوەیە، خوای گەورەش دەفەرمێت: [وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَى] [طه: 124]. واتە: ئەو كەسەی كە ڕوو وەڕبگێڕێت لە یادو بەرنامەی خوا وپشتی تێ‌ بكات بێگومان بۆ ئەو كەسانە ژیانێكی تەنگ ‌و تاڵیان بۆ هەیە‌و لە ڕۆژی قیامەتیشدا بە كوێری حەشر دەكرێن.
جا بۆیە لە ڕاستیدا پێكەوەنانی ژیانی هاوسەری نیعمەتێكی خوایی¬یەو خوای گەورەیش بیەوێت دەیدات بە هەركەسێك كە خۆی ویستی لێ‌ بێت، كە ئاشكراشە لە ڕۆژگاری ئەمڕۆماندا چەندان ئافرەتی سفور گەڕاونەتەوە باوەش ئیسلامە پاكەكەی خواو بۆیان دەركەوتووە كە بەختەوەری تەنها لە ژێر چەتری ئەمدایە، وە ئەگەر دەیشڵێیت هەموو هیواو ئاواتم شوو كردنە بە ڕووتی‌و سفوری بەمەرجی دەگریت ئەوا بێگومان ئاواتی پاك ‌وبێ‌ گەرد بە هۆكاری پیس ‌وچەپەڵا نایەتە دی، كەواتە چەندان ئافرەتی سفورو ڕووتیشمان بینی پرچی سپیان هۆنییەوە.
بیانووی حەوتەم: ئافرەتێكی تر ووتی: بۆیە حیجاب ناپۆشم دەمەوێت ئەم ئایەتەی خوا جێ‌ بەجێ‌ بكەم كە دەفەرمێت: [وَأَمَّا بِنِعْمَةِ رَبِّكَ فَحَدِّثْ] [الضحى: 11]. واتە: باسی ئەو بەخشش ونیعمەتانە بكە كە خوای گەورە پێ‌ی بەخشیوی.
خوای گەورەیش قژێكی ناسك ‌ولەش ‌و لارێكی جوانی پێ‌ داوم چۆن لە خەڵكی بشارمەوە؟.
لەوەڵامی ئەم ئافرەتەشدا دەڵێین: ئەم خوشكە وا خۆی نیشان دەدا كە خەمخۆری ئیسلامە وپابەندی قورئان ‌و فەرموودە بەڕێزەكانی پێغەمبەری خوایە(صلى الله عليه وسلم) كە ئەو ئایەتە دەكاتە بەڵگە.
ئەی باشە بۆ نایات ئەم ئایەتەش بخوێنێتەوەو لە خۆیدا جێ‌ بەجێ‌ی بكات كە خوای گەورە دەفەرمێت: [وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا] [النور: 31].واتە: با جوانی ولەش ‌ولاری خۆیان بەدەرنەخەن تەنها ئەوەندە نەبێت كە شەرع بۆیانی داناوە.
یان لە ئایەتێكی تردا دەفەرمێت: [يُدْنِينَ عَلَيْهِنَّ مِنْ جَلَابِيبِهِنَّ] [الأحزاب: 59].واتە: با پۆشاكی ئافرەتان هاودامان بێت ‌و هەموو لاشەیان دابپۆشێت.
كەواتە ئەم قسەیە هەڵبەستراو ویاسایەكی ئارەزووی خۆیەتی، بەڵام بە پێچەوانەوە نیعمەتی خوا بۆ تۆ باڵا پۆشیە نەك ڕووتی‌و سفوری، كەواتە تۆ نیعمەتی خوا كە حیجابە دەیشاریتەوە چونكە بریتی¬یە لە ڕەوشت وپۆشاكی خێزانەكانی پێغەمبەری خوا (صلى الله عليه وسلم)كە گەورەترین ‌و بەڕێزترین دیاری خوایە بۆ تۆو هەموو ئافرەتێك، وە هۆكارێكی بەرزیشە بۆ سەربەرزی تۆو هەموو ئافرەتان لە دونیاو لە دواڕۆژدا.
بیانووی هەشتەم: ئافرەتێكی تر ووتی: من لاریم لەوە نی¬یە كە باڵا پۆشی واجبێكی خوای گەورەیە بەڵام كاتێك حیجاب دەپۆشم كە خوای گەورە هیدایەتم بدات.
بۆ وەڵامی ئەم ئافرەتەش دەڵێین: ئایا ئەگەر لێت بپرسین ئایا تۆ هیچ هەنگاوێكت ناوە بۆ هیدایەت دانت؟ چونكە دەبێت ئەوە بزانیت خوای گەورە بۆ هەموو شتێك هۆكارێكی داناوە وەك چۆن كەسێك كاتێك نەخۆش دەكەوێت پێویستە سەردانی پزیشك بكات بۆ ئەوەی دەرمانی بۆ دابنێت ‌وبیخوات تا خوا شیفای بۆ دەنێرێت، یان كەسێك بیەوێت سەفەر بكات پێویستە هۆكاری سەیارە یان تەیارە بەكاربهێنێت، دەی خوشكی بەڕێز ئایا تۆ هیچ هۆكارێكت بەكارهێناوە تا خوای گەورە هیدایەتت بدات؟ هەروەك چۆن فەرزی كردووە لەسەرت ڕوو بكەیتە قیبلە و ڕۆژانە لە نوێژەكانتدا 17 جار بڵێی: [اهْدِنَا الصِّرَاطَ الْمُسْتَقِيمَ] [الفاتحة: 6].واتە: خوایە ڕێنمونیم بكە بۆسەر ڕێگا ڕاستەكەی خۆت.
یان ئایا بەشداری هیچ كۆڕو كۆبونەوەیەكی خوشكانی موسڵمانت كردووە یان بەشداری دەرس ‌ودەورەكانی ئافرەتان ‌و وانەی دینیت كردووە؟ ئەگەر نا ئیتر چۆن خوای گەورە هیدایەتت بدات؟! ئەی نازانی ڕۆژێك دێت وتەوبە وەرناگیرێت ‌و تۆش نازانیت ئەو ڕۆژە كەیە دەی ئیتر بۆ فەرمانی خوا دوا دەخەی: [فَمَاذَا بَعْدَ الْحَقِّ إِلَّا الضَّلَالُ] [يونس: 32].واتە: چی هەیە لە دوای ئەم ڕاستیەوە جگە لە گومڕایی.
بیانووی نۆیەم: یەكێكی تر لەو ئافرەتانە ووتی: من ئێستاكە بچوكم كاتی پۆشینی حیجابم نەهاتووە واتە هێشتا گەنجم ‌و بەبەرمەوە ماوە هەركات گەورە بووم ئەوسا دەیپۆشم.
بەڕاستی ئەمەش بیانوویەكی خۆهەڵخەڵەتێنەرەو یەكێكە لە هۆكارەكانی لە خشتە بردنی مرۆڤەكان لە لایەن شەیتانی جن ‌ومرۆڤەوە، چونكە ئەی خوشكی بێ‌ ئاگا ئەی نازانی (ملك الموت) ئامادەیەو هەركات فەرمانی پێ‌ بكرێت ئاگادارت ناكاتەوەو هیچ مەجالت نادات؟ وە ئایا هیچ كەس پەیمانی ئەوەی پێ‌ داوی كە تۆ بەم زووانە نامریت ‌و تەمەنت درێژ دەبێت؟! ئەی نازانی خوای گەورە دەفەرمێت:
[فَإِذَا جَاءَ أَجَلُهُمْ لَا يَسْتَأْخِرُونَ سَاعَةً وَلَا يَسْتَقْدِمُونَ] [الأعراف: 34].واتە: هەركاتێك كۆتایی بە تەمەنیان هات نە تاوێك دوادەكەون نە تاوێك پێش دەكەون چونكە ئەجەلیان دیاری كراوە. بەڵێ‌ بە ڕاستی مردن واتە: دابڕانی ڕوح لە لاشە پچڕاندنی پەیوەندی مرۆڤـ ‌و دونیا بێ‌ گومان دەبێت هەموو كەس ئەو سەفەرە ئەنجام بدات بچوك بێت یان گەورە، دەوڵەمەند بێت یان هەژار، دەسەڵاتدار بێت یان بێ‌ دەسەڵات، ئەی خوشكی بەڕێز: بەڕاستی سەفەرەكە دوورودرێژە تۆش گەشتیاری لەم دونیایەدا، ئەی هەژاری بێ توێشوو دەی بیهێنە بەرچاوی خۆت ئەوا (ملك الموت) گەیشتە سەرت ولە پشت سەرت دەوەستێت بۆ گیان كێشانت لەو كاتەدا سنگت دەتەقێ‌‌و ڕوحت دەكەوێتە غەرغەرە، زمان لە دەمتا ناگەڕێت قسە قورس دەبێت بەلاتەوە، چاوەكانت دەچنە پشتی سەرت ‌ودەرگای تەوبەیش دادەخرێت، كەواتە زوو پەشیمان ببەوە تاوەكو دەرگای تەوبەت لێ‌ دانەخراوە، چونكە تۆ بە چەكی ڕووتی‌و سفوری جەنگت لەگەڵا خوادا بەرپا كردووە، بۆیە درەنگەو بگە بەكاروانی ئەو خوشكانەی كە پێش تۆ كەوتوون، خوای گەورەش دەفەرمێت: [سَابِقُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا كَعَرْضِ السَّمَاءِ وَالْأَرْضِ] [الحديد: 21].واتە:پێشبڕكێ‌ بكەن بۆ لێخۆشبوونی خوایی ‌و بەهەشتێك كە پانایی¬یەكەی وەك پانایی ئاسمان ‌و زەوی¬یە.
بیانووی دەیەم: كۆتا خوشك لەوەڵامی ئەو پرسیارەدا ووتی: ئەترسم لەوەی كە ئەگەر پابەندی حیجابی شەرعی ببم بمكەنە پاڵا حزب ‌و كۆمەڵێك ‌و منیش ڕقم لە حیزبایەتی¬یە.
لەوەڵامدا دەڵێین: خوشكی بەڕێز واز لەو بۆچونە بهێَنەو ئەو خەیاڵەش لە مێشكی خۆت دەربكە، چونكە كاتێك خوای گەورە فەرمانی كردووە بە حیجاب كردووە ئەوا نەك ناوی حیزب ئەوا هیچ جیاوازی¬یەك نەبووە لە دەربڕینی ئەو بۆچونەدا، بۆیە لە ڕاستیدا لە قورئانی پیرۆزدا تەنها دووكۆمەڵا هەن كە خوای گەورە باسی كردوون ‌وناویانی بردووە ئەوانیش (كۆمەڵی شەیتان) ‌و(كۆمەڵی خوا) وەك خوای گەورە دەفەرمێت: [أَلَا إِنَّ حِزْبَ الشَّيْطَانِ هُمُ الْخَاسِرُونَ] [المجادلة: 19].واتە: ئاگادارین بێگومان دەستەو تاقمی شەیتان لە خەسارەت مەندی ‌و زەرەر مەندیدان.
كۆمەڵی یەكەم: واتەكۆمەڵی شەیتان: ئەو كۆمەڵەی كە دارودەستەكانی بەردەوام خەریكی بێ‌ ئەمری خوان هەمیشەش لە بڵاوكردنەوەی خراپەو دووبەرەكی‌و تۆوی بەرەڵایدا دەستێكی باڵایان هەیە.
هەروەها كۆمەڵی دووەم: بریتین لە كۆمەڵی خوا كە ئەوانەن خوای گەورەو میهرەبان پشتیوانیانەو هەمیشە یارمەتیان دەدات بۆ هەموو كارێكی چاكەو خۆشیان ملكەچی فەرمانەكانی خوان ‌وخۆیان بە دوور دەگرن لە سەرپێچی ‌وشتی داهێنراو‌و دوور لە ئیسلام.
كەواتە: ئەگەر بەڕێزت یەكێكی لەو كەسانەی حیجاب دەپۆشیت ‌و خۆت بە دوور دەگریت لە بێ‌ فەرمانی خواو هەمیشە خەریكی كاری چاكەی ئەوا (یەكێكی لە كۆمەڵی خوا) بەڵام بە پێچەوانەوە ئەگەر سفورو ڕووت بیت ‌و لەش ‌ولاری خۆت بۆ خەڵكی بێگانە دەر بخەیت ئەوا یەكێكی لەو كەسانەی كە سەرپێچی فەرمانی خوا و پێغەمبەری خوات كردووە (صلى الله عليه وسلم) وە شایانی سزای خوای گەورەیت لە دونیا و دوا رۆژدا.
خوشكی بەڕێزم.... دڵنیابە باڵاپۆشی فەرمانی خوایەو پەیوەندی نی¬یە بە هیچ شتێكەوە بۆیە نابێت لەبەر لۆمەی لۆمەكاران ‌وخراپەی بێ‌ باوەڕان پشت بكەیتە فەرمانی خواو بەرەو لای شەیتان ڕابكەیت خوای گەورەیش دەفەرمێت: [فَفِرُّوا إِلَى اللَّهِ إِنِّي لَكُمْ مِنْهُ نَذِيرٌ مُبِينٌ] [الذاريات: 50].واتە: بەپەلەو گورج ‌وگۆڵا بن بۆ بەجێهێنانی فەرمانەكانی خوا، دڵنیاش بن من (محمد) (صلى الله عليه وسلم) ترسێنەری ئاشكرام بۆتان.
كەواتە نوێژو ڕۆژوو بۆ كێ‌ ئەنجام دەدەیت؟ ئەی بۆچی ئەنجامی دەدەیت؟
وەڵام: چونكە نوێژو ڕۆژوو بۆ خوا ئەنجام دەدەم، لەبەر ئەوەی فەرزی كردووە لەسەرم، دەی كەواتە ئەو خوایەی نوێژوو ڕۆژووی لەسەرت فەرز كردووە هەر ئەو خوایەشە حیجابی لەسەرت فەرز كردووە.

بۆنی گوڵێك لە كۆتاییدا:
ئەی خوشكی بەڕێزم..... ئەی ئەو كەسەی خوای گەورە ڕێزی لێ‌ ناوی بۆچی خۆت بێ‌ ڕێز كردووەو لە بازاڕی شەیتاندا نمایش دەكەیت؟! ئایا دەزانیت بەهەر خۆ جوان كردن ‌وڕازاندنەوەیەك دڵی هەر گەنجێك بۆ لای خۆت ڕادەكێشیت ‌وبێگومانیش دەبیتە هەڵگری كۆڵی تاوانی چەندان كەسی تر، وە بیشزانە تۆ هەر ڕۆژێك لە تەمەنت دەڕوات بەرەو گۆڕی خۆت نزیك دەبیتەوە، وەهەر كاتێك لە تەمەنت دەڕوات بەرەو نەمان دەچیت ‌وسەرەنجامی خۆت دیاری دەكەیت.
سبحانك اللهم وبحمدك أشهد أن لا إله إلا أنت أستغفرك وأتوب إليك.